6 معلومة تهمك ...

1- هل تعلم أن كلمة "كيلو باميه" اصلها Qui est le premier ؟ يعني مين الاول؟ .بس احنا عشان شعب عبقري ترجمناها كدا ..

 

2- هل تعلم أن كلمة "طز" تركية و معناها الملح .. و لأن الملح كان ارخص سلعه فالمصريين بقوا بيقولوا على اى حاجه تافهه " طز " ؟؟ ..

 

3- هل تعلم أن كلمة "معلش" كانت اختصار ل "ما عليه شىء" .. كان يقولها القاضى لمن اخذ البراءه ..

 

4- هل تعلم ان كلمة " يا خراشى " تعود لعهد الدوله الفاطميه .. يعنى من الف سنه .. و ده كان نداء لأول شيخ للازهر "محمد الخراشى" و كانوا ينادوه اذا وقع ظلم او مصيبه لحلها ..

 

5- هل تعلم أن كلمة "سيس" معناها البلح الفاسد او اللى بيقع من النخل و لا يأكله احد .. يعنى الانسان اللى مالوش لزمه ...

 

6- هل تعلم أن كلمة "جدع" هي كلمة جاءت من الاجدع و هي أسماء الشيطان. وهو تعبير عن المكر و النباهة التي يعتقدون تميز الشيطان بها. فصارت كلمة جدع او كدع بالكاف المشدده ..

 

7- هل تعلم أن كلمة "عبيط" هى كلمه فرعونيه .. مكونه من كلمتين .. عا + بيت .. عا معناها حمار .. بيت معناها شخصيه .. الكلمتين يعنى حمار الشخصيه ..

 

8- هل تعلم أن كلمة " ساده" زى قهوه ساده مثلا .. هى كلمه فارسيه .. معناها بسيط او طبيعى .. يعنى شاى بيسط بدون اضافات ..

 

9- هل تعلم أن كلمة " هسكعك " زى هسكعك الم مثلا .. هى كلمه فرعونيه معناها "هلصقك" و الكلمه هى "سقاع" معناها التصاق ..

 

10- هل تعلم أن كلمة "شلق" زى الست دى وليه شلق .. معناها فى الفرعونيه القديمه "شلاك" يعنى يمتد او يمط ..

 

11- هل تعلم أن كلمة " تنح" مأخوذه من "تناهو" كلمه قبطيه معناها يستحى او يخجل ..

 

12- هل تعلم أن كلمة " اهبل " هى كلمه يونانيه .. اصلها "هابلوس" و معناها ساذج ..

 

13- هل تعلم ان كلمة "هلس" اصلها "هيلوس" كلمه يونانيه معناها تلف و فساد ..

 

14- هل تعلم أن كلمة "مرمطه" اصلها فرعونيه .. "مارماتا" و معناها الم و وجع ..

 

15- هل تعلم أن كلمه "مهيص" معناها فى الفرعونيه مملوء السرعه .. و اصلها "مهيوص" ..

 

لو مكنتش تعلم دوس لايك واعمل شير عشان غيرك يعلم ..

بقلم TotaNader

أنا TotaNader إنسانة طموحة أبحث عن كل ما هو جديد في العالم العربي واستفاد من ابداعات الغرب في الابحار في عالم المعرفة والتكنولوجيا

هل اعجبك هذا الموضوع ؟	إشترك عبر خدمة RSS تابعني عبر الفيس بوك تابعني على تويتر اشترك عبر البريد الالكتروني